2
Fevral Azərbaycan Gəncləri Günüdür. Azərbaycan gəncləri Ulu öndərimiz Heydər
Əliyevin onlara ən böyük hədiyyəsi olan Azərbaycan Gəncləri Gününün təsis
edilməsinin 25 illiyini qalib ölkənin qalib gəncləri kimi sonsuz ruh yüksəkliyi
ilə qeyd edirlər.

Ümummilli
liderimiz Heydər Əliyev tərəfindən əsası qoyulan dövlət gənclər siyasəti ölkə
gəncliyinin inkişafında dərin izlər buraxıb.

Ulu
öndərin 1997- ci il fevralın 2-də imzaladığı Fərmana əsasən, hər il fevralın 2
- si Azərbaycan Gəncləri Günü elan edilib.

Daim
Azərbaycan gənclərinin yanında olan Prezident İlham Əliyev həmişə olduğu kimi
bu il də Gənclər Günündə gənclərlə görüşüb. Azərbaycan Gənclərini təbrik edən
Prezident gənclərlə bağlı bir sıra məsələlərə toxunub. O qeyd edib ki, gənclər
siyasəti daim dövlətin prioriteti sırasındadır. Gənclər Günü təsis ediləndən bu
günə qədər bir nəsil dəyişdi və Azərbaycan dəyişdi. O vaxtkı Azərbaycan
reallıqlarına nəzər salsaq, görərik ki, o vaxt vəziyyət çox ağır
idi,müstəqilliyin cəmi altı yaşı var idi. Ölkə qarşısında çox ciddi fundamental
problemlər dayanmışdı. Amma ümidlər var idi ki, tezliklə hər şey həllini
tapacaq. 25 il bundan əvvəlki gənclərin arzularını bu günki gənc nəsil həyata
keçirdi. Cəmiyyətin böyük hissəsini təşkil edən gənclər ölkəmizin həyatında çox
önəmli rol oynayır. Gənclərin təşəbbüsləri, əməyi bu gün hər yerdə, hər sahədə
görünür.

Cənab
Prezidentimiz öz çıxışında bildirib ki, bu gün ölkə qarşısında əsas vəzifə -
Qarabağ məsələsi öz həllini tapmışdır. Vətən müharibəsində gənclərin rolu
həlledici olmuşdur və biz haqlı olaraq gənclərimizlə fəxr edə bilərik.Bu
qələbənin səbəbkarlarından olan gənclərimiz hər bir sahədə inamla
addımlayırlar.

Biz
azad, özünəgüvənən bir ölkədə yaşayırıq. Belə bir ölkənin gəncləri də öz
gələcək həyatını müəyyən etmək üçün və dövlətə maksimum xeyir vermək üçün fəal
olmalıdırlar.

İnamla
deyə bilərik ki, ölkəmizdə gənc nəslin problemlərinin həlli, onların cəmiyyət
həyatında layiqli təbəqə kimi iştirakının təmin olunması üçün həyata keçirilən
bütün zəruri tədbirlər Azərbaycan gəncliyini daha da işıqlı gələcəyə aparacaq.
Bu yolda gənclərimizin ən böyük dəstəkçisi məhz Azərbaycan Prezidenti İlham
Əliyevdir.

Bəli,
Azərbaycan gəncləri çox xoşbəxt gənclərdir ki, onların ən böyük himayəçisi
Cənab Prezidentimiz İlham Əliyevdir.

Məqaləni hazırladı: Sevda Məmmədova,

Xocalı Rayon Əli Kərim adına Başkənd kənd tam
orta məktəbin Azərbaycan dili və ədəbiyyat müəlliməsi